التخطي إلى شريط الأدوات
شِعرمشاركات أدبية

مين اللي ساب

 

شعر: محمد الصفتي

 

محمد الصفتي
محمد الصفتي

 

 

 

 

 

 

 

على فكرة لما ف مرة تيجي تدوري

فماتلاقيش غير السراب

إوعي ف ساعتها تفكّري

مين اللي ساب

ما انتي اللي عودتيني منك ع الغياب

فلمّا اغيب

ويعدّي يومك ويّا قلب وحيد غريب

ما تزعليش

مانتي اللي قلتي هتقدري

وما تلوميش

على قلب كان قابل يعيش

على لحظة واحدة كنتي فيها بتظهري

خلّيكي قادرة وخلّي قلبك يعشقك

وانسي اللي كان في العشق دايما يسبقك

ماهو ده الفراق.. دايمًا قرار محتاج حساب

وانتي الحساب عندك جمعنا ف مسألة

كان طرح إسمك منها بيساوي العذاب

وأنا العذاب مش هو عندي المشكلة

الأسوأ انك في النهاية شخص واحد

والعُمر جدول ضرب لو نقّصنا واحد

تبقى الحياة هي الحياة

ومش هينقص من حياتي إلا(آه)

خدتيها ومعاها الوجع

فابقي اشكريلي قلبك القاسي الجدع

وفر عليا كتير وشال عني الحساب

خلّاني حتى مش مُطالَب اصدقك!

 

 

اظهر المزيد

بهاء الحسيني

كاتب وناشر، والمدير التنفيذي لدار بوك هاوس للنشر والإعلام، ومؤسس موقع كُتُب وَكُتَّاب "منصة إلكترونية ثقافية متخصصة". حاصل على دبلومة الإعلام الرقمي من الجامعة الأمريكية بالقاهرة، مركز كمال أدهم للصحافة التلفزيونية والرقمية، واجتاز العديد من الدورات التدريبية في الصحافة من مؤسسة طمسون، ومبادرة جوجل للصحفيين.

مقالات ذات صلة

اقرأ أيضًا
إغلاق
زر الذهاب إلى الأعلى