شِعرمشاركات أدبية

إنسان قوي

شعر: تهاني عبد السلام

 

 

إنسان بيضحك وبدلع

من كتر ما قلبه أتوجع

اختار طريق هيكمله بعد الفراق

اختار ما يلتفت بنظرته لو قلبه شاء

وفي كل لحظات الوداع

دايما يقول وباقتناع

ما يستاهلش لحظة م الألم

كل اللي باع

إنسان قوي

عايش سوي

تملي قلبه بيحتوي

كل اللي ليه

إن كان فرح أو كان جراح

أهو راضي بيه

وأدي قلبه أتكسر 100 حتة في النهاية

وأتحول قلبه لمجموعة شظايا

من كتر الوجع

مابقاش يفرق

إن كان إتباع ولا أتخدع

فماشي في الحياة مبتسم بسمة دلع

من كتر ما قلبه أتوجع

إنسان قوي

عايش سوي

برغم الأنين

برغم الدموع الحيرانين

محتار يضحك م الألم

ولا من عيون الحاسدين

إنسان حزين

اختار يفكر في اللي فات

بقلب مات

يمكن يفهم من سكات

إيه السبب

كل الجراح اللي أنجرحها

كان اختياره

ولا نصيبه اللي أنكتب

 

 

 

اظهر المزيد

بهاء الحسيني

كاتب وناشر، والمدير التنفيذي لدار بوك هاوس للنشر والإعلام، ومؤسس موقع كُتُب وَكُتَّاب "منصة إلكترونية ثقافية متخصصة". حاصل على دبلومة الإعلام الرقمي من الجامعة الأمريكية بالقاهرة، مركز كمال أدهم للصحافة التلفزيونية والرقمية، واجتاز العديد من الدورات التدريبية في الصحافة من مؤسسة طمسون، ومبادرة جوجل للصحفيين.

مقالات ذات صلة

اقرأ أيضًا
إغلاق
زر الذهاب إلى الأعلى